TOZA (цаашид «Үйлчилгээ») нь Буурал Софт ХХК-ийн (цаашид «Бид») өмчлөлийн бизнесийн программ хангамжийн бүлэг юм: мессеж илгээх, утас баталгаажуулах, Messenger-ийн худалдааны бот, бараа болон үлдэгдлийн бүртгэл, касс болон захиалгын удирдлага, ажилтан, харилцагчийн бүртгэл. Бүтээгдэхүүн бүр бие даан ажиллах ч нэг нэвтрэлт, нэг байгууллагын бүртгэлээр холбогдоно. Энэхүү Нууцлалын бодлого нь бид таны хувийн мэдээллийг хэрхэн цуглуулж, ашиглаж, хамгаалдгийг тайлбарлана.

1. Бидний цуглуулдаг мэдээлэл

Бүртгэлийн мэдээлэл: нэр, утасны дугаар, и-мэйл хаяг, нэвтрэх мэдээлэл. Нэвтрэлт нь утасны дугаар дээр суурилдаг.
Facebook-ийн мэдээлэл (зөвхөн чатын бүтээгдэхүүн ашиглаж, хуудсаа холбосон тохиолдолд): нийтийн профайл (нэр, профайл зураг); холбосон Facebook Page болон түүнийг удирдах эрх; уг Page-ийн Messenger чат руу эцсийн хэрэглэгчээс ирсэн зурвас, илгээгчийн нэр зэрэг захиалга боловсруулахад шаардлагатай мэдээлэл.
Бизнесийн өгөгдөл: танай байгууллагын бараа, үйлчилгээ, үлдэгдэл, захиалга, харилцагч, ажилтан, төлбөрийн бүртгэл.
Техникийн мэдээлэл: төхөөрөмж, хөтөч, IP хаяг, күүки болон ашиглалтын лог.

2. Мэдээллийг хэрхэн ашиглах

Үйлчилгээг үзүүлэх, захиалга хүлээн авч боловсруулах, харилцагчтай харилцах.
Холбосон Page-ийн Messenger зурвасыг уншиж, хариу илгээх замаар захиалгыг хүлээн авч боловсруулах.
Бүртгэл баталгаажуулах (SMS-ийн нэг удаагийн код), аюулгүй байдлыг хангах, луйвраас сэргийлэх.
Үйлчилгээг сайжруулах, дэмжлэг үзүүлэх, төлбөр тооцоо хийх.

3. Facebook-ийн мэдээллийн ашиглалт

Бид Facebook/Meta-гийн платформын мэдээллийг зөвхөн танай байгууллагын холбосон Page-ийн захиалга, харилцагчийн зурвасыг удирдах зорилгоор, таны зөвшөөрсөн хүрээнд ашиглана. Бид энэхүү мэдээллийг зар сурталчилгааны зорилгоор зарж, түрээслэхгүй. Meta Platform-ийн нөхцөл, бодлогыг дагаж мөрдөнө.

4. Хиймэл оюуны боловсруулалт

Чатын бот болон TOZA туслах нь TOZA-гийн ашигладаг хиймэл оюуны үйлчилгээ үзүүлэгчдээр (OpenAI, Anthropic) ажиллана. Тэдгээрийг ашиглах үед ярианы текст, дуут оролт, барааны жагсаалт болон асуултад хариулахад шаардлагатай бизнесийн өгөгдөл тэр үйлчилгээ рүү илгээгдэнэ. Хэрэглээ нь байгууллагын түрийвчнээс хасагдана. Байгууллага хиймэл оюуныг «Түрийвч» хэсгээс унтраах боломжтой — тэр үед бот зөвхөн худалдагчийн урьдчилан бичсэн хариултаас хариулна.

5. Мэдээллийг хуваалцах

Бид таны хувийн мэдээллийг гуравдагч этгээдэд зардаггүй. Зөвхөн дараах тохиолдолд хуваалцаж болно:

Үйлчилгээг ажиллуулахад туслах найдвартай үйлчилгээ үзүүлэгчид (хостинг, файл хадгалалт, төлбөрийн систем, мессежийн гарааз, хиймэл оюун) — зөвхөн шаардлагатай хэмжээгээр.
Хууль, эрх бүхий байгууллагын шаардлагаар.

6. Мэдээлэл хадгалах хугацаа

Бид мэдээллийг үйлчилгээ үзүүлэх болон хууль ёсны үүргээ биелүүлэхэд шаардлагатай хугацаанд хадгална. Ярианы түр төлөв (сагс, баталгаажуулах код) нь хэдэн цагийн дотор автоматаар устдаг.

7. Аюулгүй байдал

Бид таны мэдээллийг зөвшөөрөлгүй хандалт, алдагдлаас хамгаалахын тулд боломжит техникийн болон зохион байгуулалтын арга хэмжээг авдаг. Нууц үг, нэг удаагийн код зэргийг задалж уншихааргүй хэлбэрээр хадгална.

8. Таны эрх ба мэдээлэл устгах

Та өөрийн мэдээлэлд хандах, засварлах, устгуулахыг хүсэх эрхтэй. Мэдээллээ бүрэн устгуулахыг хүсвэл bsoft0108@gmail.com хаягаар «мэдээлэл устгах хүсэлт» гэсэн гарчигтай захидал илгээнэ үү. Бүртгэлтэй утасны дугаараа заана уу. Бид хүсэлтийг хүлээн авснаас хойш 30 хоногийн дотор таны хувийн мэдээллийг устгаж, баталгаажуулалтыг и-мэйлээр илгээнэ.

Facebook-ийн холболтыг та өөрөө хүссэн үедээ салгаж болно: «Байгууллага → Тохиргоо → Facebook → Салгах». Салгахад хуудасны токен сервер дээрээс устана.

Дэлгэрэнгүй журам, юу устаж юу үлдэхийг Мэдээлэл устгах хуудсанд бичсэн.

9. Күүки

Бид нэвтрэлт, тохиргоог хадгалах зорилгоор күүки ашигладаг. Та хөтчийнхөө тохиргоогоор күүкиг хязгаарлаж болно — тэр тохиолдолд нэвтрэх боломжгүй болохыг анхаарна уу. Худалдагчийн нийтийн хуудсууд гуравдагч талын (Meta) күүки ашиглаж болно — 10-р хэсгийг үзнэ үү.

10. Худалдагчийн нийтийн хуудас ба Meta Pixel

TOZA дээрх худалдагчийн нийтийн хуудсууд (цаг захиалгын time.toza.mn/…, эвэнтийн тасалбарын event.toza.mn/e/…) нь тухайн худалдагч өөрөө тохируулсан тохиолдолд Meta Pixel ашиглаж болно. Pixel нь худалдагчийн өөрийн Meta бизнесийн бүртгэлийнх бөгөөс түүгээр цуглуулсан мэдээллийг Meta болон тухайн худалдагч ашиглана.

Юу цуглуулагддаг вэ: хуудас нээсэн, захиалга эсвэл бүртгэл хийсэн, төлбөр төлсөн зэрэг үйлдэл; үйлчилгээ, эвэнтийн нэр; захиалгын дүн; мөн таны хөтөч, төхөөрөмж, IP хаягийн мэдээлэл. TOZA өөрөө таны нэр, утасны дугаарыг Pixel руу дамжуулдаггүй. Гэвч худалдагчийн Meta дээрх тохиргооноос хамааран (жишээ нь «автомат нарийвчилсан тааруулалт») хуудсанд оруулсан мэдээлэл шифрлэгдсэн хэлбэрээр Meta руу илгээгдэж болно.
Зорилго: Meta болон бусад гуравдагч этгээд күүки, вэб гэрэлт цамхаг (web beacon) болон бусад хадгалах технологиор энэ хуудаснаас, мөн интернетийн бусад газраас мэдээлэл цуглуулж, хүлээн авч, тэр мэдээллийг зарын үр дүнг хэмжих, зар сурталчилгааг чиглүүлэхэд ашиглаж болно.
Хариуцлага: Pixel ашиглах шийдвэр, цуглуулсан мэдээллийн хэрэглээг тухайн худалдагч хариуцна. Meta-гийн хүлээн авсан мэдээлэл Meta-гийн нууцлалын бодлого-оор зохицуулагдана. TOZA энэ мэдээллийг өөрийн зар сурталчилгаанд ашигладаггүй.
Татгалзах: Зар чиглүүлэлтээс Facebook-ийн Зарын тохиргоо, aboutads.info/choices, youronlinechoices.eu хаягаар татгалзаж болно. Мөн хөтчийнхөө тохиргоогоор гуравдагч талын күүкиг хааж болно — энэ нь захиалга хийхэд нөлөөлөхгүй.

11. Бодлогын өөрчлөлт

Бид энэхүү бодлогыг шаардлагатай үед шинэчилж болох ба өөрчлөлтийг энэ хуудсанд нийтэлж, шинэчилсэн огноог солино.

12. Холбоо барих

Асуулт, хүсэлтийг bsoft0108@gmail.com хаягаар, эсвэл 8098-7766 утсаар хүлээн авна. Хариуцагч: Буурал Софт ХХК.